暖笠笠糯米飯

呢排真系好凍芽,日日我都成9典先起身芽,真系唔想離開張被被

芽 T__T 不過唔想唔想都要起,唔系D野邊個做丫,仲有兩日又要

早起,樹關要返學嘛,煮早餐就唔可以懶喇...哈哈~~

是日推介............糯米飯~~老公出到聲話要食糯米飯,咁就煮比

佢吃,大家點整D糯米呢??我就浸佢一晚,第二晚煮時先蒸熟D糯

米,跟手將臘腸...冬菇...叉燒同蝦皮爆香再倒埋D糯米飯一齊炒

再落自己調好嘅甜豉油加埋蔥花就搞掂架喇,吃左真系暖笠笠

芽~~

南乳蓮藕炆豬腳

聖誕節又過左喇...黎緊又話元旦...有時想系系每逢呢D節日就

要慶祝吃大餐呢??不過我自己只系想屋企人一齊,好似平時一

樣咁過都一樣開心的,有時我見到好多人好浪費食物又或者為

左呢D節日去買禮物,會唔會又唔太環保咁呢...呢D都系莎莉自

己意見,大家不要見怪唷~~


是日推介............南乳蓮藕炆豬腳~~而家天氣咁凍,整個煲仔菜

黎食都好暖笠笠架,今次整南乳蓮藕炆豬腳,,,而家D蓮藕好好味

芽,無論煲湯或者煮餸都一樣咁好味架~~

三色蛋蒸肉餅

相信大家尋晚一定過左一個又開心又溫暖嘅冬至喇 ^_^ 莎莉都

系.....過埋今日聽日又到平安夜喇,大家有節目嘛??莎莉都冇咩

節目芽,樹關我仲病緊芽,感冒真系辛苦耶 =..='

是日推介............三色蛋蒸肉餅~~大家應該都G道咩系三色

蛋...嘿...就系雞蛋...皮蛋同鹹蛋喇,呢個好易整又好味嘅肉餅,阿

大少爺一定吃三碗飯架,如果再比佢添飯佢一定再添囉...哈哈

哈~~

臘腸冬菇田雞飯

大少爺今日系學校開完P之後就開始放假喇,即系過完聖誕節就

好快過年,又系忙碌嘅日子=..=' 我年年過農曆年都病架,希望今

年唔會啦 XD

是日推介............臘腸冬菇田雞飯~~ 個買點系...D臘腸系我媽

媽自家製的,唔會好肥架...嘿嘿~~今次媽咪整左好多比我 T__T 

好感動...話哂媽媽佢都成六十幾歲仲要做咁多功夫...辛苦哂媽

媽>3< 今年都唔洗再買臘腸喇...哈哈~~芽...黎緊整蘿蔔糕又可

以用喇 XD~~

哎也也...我都慒慒地...POST番媽媽整左嘅臘腸圖圖比大家睇

睇先 ^_^

 

叉醬豬肋骨

呢幾日真系巧鬼凍=..=' 不過我都系打左一晚邊爐咁多,樹關我

唔C服嘛,都系唔好打咁多,兩仔爺要就下我咯...嘿嘿~~

是日推介............叉醬豬肋骨~~之前買左包豬肋骨返來,今次終

於整左佢來吃嚕,早一晚醃好第二日夜晚用光波機焗就OK架喇,

真系好好味 ^__^

紅燒筍腩片

嘩...今日好凍芽 =..=' 今早我終於睇左醫生喇...自己都頂唔住

又要食藥...仲要有我至憎嘅咳水 ~__~ 大家真系要好好保重身

體芽,黎緊星期三仲話得九度咋,真系要多多小心身體芽~~


是日推介............紅燒筍腩片~~有日睇都市閒情,見到教煮呢味

菜色,仲有我至愛吃嘅冬筍喎,咁米跟來煮丫...新鮮筍的確好好

味,不過我都唔敢吃太多,樹關我驚皮膚痕芽=..=' 大少爺原來都

唔喜歡筍架, 不過佢吃完之後話新鮮唔同罐頭喎...新鮮嘅好食

好多...哈哈~~

芥蘭炒牛展

尋晚發生左一D事,令到我煩擾好唔開心,不過喊左一輪之後....

今日我又冇咩事了...唉...我個人就系咁,煩完...喊完...第日我又

做番我自己...開開心心又一日,其實有時自己都想睇開一點點,

不過有時亦控制唔到,畢竟都過左去了,我要做番開開心心嘅我 

^__^


今日推介菜色............芥蘭炒牛展~~芥蘭呢個時候好靚又好食,

加埋大少爺至愛嘅牛牛,好好味呢...大家不況試下丫~~

芝士龍蝦伊麵

呢幾日唔系太凍喎.尋日仲有D熱添,不過黎緊又話凍同埋落雨,

大家要好好保重身體芽~~今日莎莉唔打太多字,樹關今日唔多C

服,我要去做隻豬休息休息先~~

是日推介............芝士龍蝦伊麵~~系大棧買左包龍蝦試下好唔

好吃先,阿仔話要吃芝士龍蝦伊麵...唉...查十我唔多曉點煮架,

不過睇過下電視點煮....我要搵番我D記憶先得喇...哈哈~~好彩

我都煮得好味,阿仔話好正芽,不過我對呢D龍蝦就麻麻,口感一

般,都系新鮮好味芽,下次買新鮮龍蝦煮...嘿嘿~~ 

 

鮑汁鳳爪

時間過得真系快,好快就到聖誕節喇,我諗大家應該會有好多節

目架喇,不過我喜歡靜,加上我都老喇ka ka ka...所以我都唔會有

咩搞作,大少爺當然有節目啦,都系同D朋友仔去玩咁囉,佢大個

仔喇,系要出去玩下嘅...哈哈~~

是日推介............鮑汁鳳爪~~我好喜歡"啜"腳指...嘿嘿~~系鳳

爪先啱...去酒樓吃要廿幾蚊一碗都系得幾隻咋,自己整唔同又平

又抵吃呢,今次我用埋D冬菇"頂"來一齊煮,超好吃芽,真系吃到

停唔到口芽...哈哈~~

椰子雪耳煲烏雞

今日阿大少爺開始考試嚕,見佢好似好輕鬆咁,希望佢考得好啦,

而家D小朋友讀書真系好辛苦架,相比起以前我地就輕鬆得多

喇,作為阿媽嘅我希望佢開開心心去享受佢嘅讀書時期,到佢大

個時出來做野就唔會好似而家咁無憂無慮架喇~~


是日推介.............椰子雪耳煲雞湯~~買個椰子返來煲烏雞,真

系好鬼香架,加埋雪耳...肉眼...紅蘿蔔同蜜棗,好甜芽啖湯,阿仔

老公都話好正好好飲,話下次再煲過喎...哈哈~~

鮮蘑菇雞絲白汁意粉

唉...點解??點解??點解可以殺左自己個囡??邊有做媽咪會捨得

殺左自己個囡??仲可以一連串大話來掩飾...呢個系咩世界 

~___~ 懷胎十月啊...嗚...嗚...個BB囡得半個月大咋,忍心嗎??

仲要利用香港人嘅同情心...我只可以廣一句..........你的良心何

在??願BB囡R.I.P~~

是日推介..........鮮蘑菇雞絲白汁意粉~~太耐冇煮過意粉,所以

今餐煮來吃,當然大少爺系至開心果個,樹關我落左芝士去煮嘛,

佢至愛吃芝士架喇...哈哈~~

窩蛋牛肉飯

哎也也...今日仲系有D攰芽,樹關莎莉尋日去左南丫島,對於我呢

個唔系成日行嘅C奶黎廣系有ddddd辛苦,唔認老都唔得喇,隻豬

腳好攰芽...哈哈~~不過我今次去呢,感覺唔系太好芽,我明白假

期有好多遊客去,亦相信有好多遊客都好好,之旦系系咁靚嘅環

境同空氣之下,可唔可以唔好食煙呢,行系你地後面嘅人士真系

好辛苦架=..=' 唉~~~

是日推介............窩蛋牛肉飯~~天氣凍除左打邊爐之外最好食

乜東東呢???米就系煲仔飯囉...哈哈~~煲仔飯一樣款式多多,隨

你自己喜歡選擇吃咩材料 ,就放咩材料落去,而莎莉今次就煮窩

蛋牛肉飯喇,無他嘅...老公同阿仔喜歡吃嘛...嘿嘿~~

腐竹白果薏米糖水

尋晚巧鬼凍芽,至慘系...老公突然間要返通霄...嗚...嗚...今早先

返來咋...而家做左隻豬...卡卡卡~~不過咁喎...我家隻虎仔豬佢

陪我瞓左一晚芽,佢真系好似G我冇人陪咁,成晚系我側邊瞓芽,

今早廣比老公G,老公話咁...以後唔洗攬住我瞓啦...卡卡卡~~~

老公...查十我成晚掛住你啦...嘿嘿~~

哇卡...自己打字都覺得好鬼肉麻...哇哈哈~~是日推介............

腐竹白果薏米糖水~~呢D天氣除左湯水之外,其實糖水都唔少得

的,今次煲呢款糖水,佢兩仔爺好喜歡的,仲要加埋雞蛋丫,吃完暖

笠笠仲好滋潤添 ^__^

西洋菜陳腎豬骨湯

今日巧嬲...哼...比個衰仔激親>.<" 總G我今日...丫...系黎緊都

唔鬼啋佢住,鬼叫佢成日都回我咀芽,總話我煩芽...吼))))))))))不

過咁佢都屎屎地氣孖我廣左對唔住,之旦系次次都系咁,所以我

今次典都唔理佢住架喇...哼~~

是日推介............西洋菜陳腎豬骨湯~~呢個時間西洋菜又系時

令靚菜黎架,真系飲左即刻潤番哂架,我加埋陳腎...豬骨...紅蘿

蔔...南北杏同蜜棗一齊煲,真系冇得頂芽啖湯...嘿嘿~~

蔬菜豬腩卷

又過左一星期喇,大家過得開心嘛??莎莉就麻麻喇 ~___~ 樹關

星期六好黑...搭車出街遇上撞車,等車都等左差不多九個字...想

買嘅野又買唔到,買野時又比人推到差D跌低...吼))))))總G果日

就黑仔啦............老公果日早放工,佢返到黎我就呱呱嘈廣番佢

G...跟住我就...........哇一聲喊出黎:(( 可能呢排壓力大...谷埋谷

埋就...唉=..='老公就好似呵BB咁呵番我,仲拉左我去睇戲...我

終於冇左事...好感激有個好老公...嗚...嗚...系我最需要個嘅時

候扶我一把呢 ^__^

廣完我D瘀事,廣番下是日推介先............蔬菜豬腩卷~~D豬腩

片系大昌買嘅,荷蘭出品架,打邊爐又得整卷卷又得,今次擺芹

菜...甘荀....冬菇同蘿蔔乾,全部切絲去捲,跟手煎好就整個燒汁

就完成喇 ,好味呢~~

鮮茄芝士焗豬扒飯

呢個星期實在太好...阿仔都系返三日半學,樹關尋日都系放十二

點幾,要影咩畢業相芽,班相果D啦,咁今日又唔洗返學,教師發展

日...呵呵~~而星期六,日又唔洗返,我起碼有三日都唔洗早起身

先ka ka ka~~星期日呢阿仔系維園有個大步操芽,如果大家經過

維園都可以睇到架...哈哈~~

是日推介..........鮮茄芝士焗豬扒飯~~ 我唔想整太多野,整個焗

飯炒碟菜就算嚕he he he 查十自己搵自己笨=..=' 呢個焗飯都

唔少功夫...要早早煮好飯再炒再整豬扒再整個茄汁再加埋芝士

去焗,嘩....我自己諗起都話自己傻芽...哇哈哈~~不過咁..的確好

好味,阿仔話仲好味過大家樂...呵呵,真系識氹我芽 ^_^

煲粥配炒河....正~~

嘩...呢兩日涼到丫...我咁肥都要著多件衫芽ka ka ka~~咁涼嘅

天氣都好多人中左"蕉" ,阿仔話學校好多人病左芽,至慘系...阿

仔話佢地又唔帶口罩丫嘛=.='唉...唔巧再傳染比我個仔芽,就快

考試喇=..='

咁涼快嘅天氣我就至喜歡煲粥炒粉吃架喇,今次滿足哂大家嘅

食慾 ka ka ka 首先煲左我至喜歡嘅粥..........元貝仔肉蟹大蜆

粥 ,嘩...啖粥鮮甜到呢,真系好鬼正架 ^___^ 第二呢就系炒左干

炒牛河比阿仔吃囉,佢成日都叫我炒一次佢吃,不過我當耳邊風

囉ka ka ka 今次終於順佢意喇,至於我老公??佢兩樣都喜歡吃

囉,所以一D都唔會投訴...哈哈~~

椒鹽九肚魚

今日好涼芽...大家記得著多件衫芽,好好保重身體芽 天氣涼左

我莎莉又好瞓左,搞到早上都唔多願起身芽...哈哈~~不過唔得

芽 要煮早餐比阿仔芽,等佢吃飽飽上學去...嘿嘿~~

是日推介......椒鹽九肚魚~~之前自己都整過,不過我系成條來炸

的,今次我買囓好大條芽,所以呢就將佢起肉炸,都系同系街吃的

爭ddddddd,不過今次好食過上次芽,阿仔同老公話好正...嘿嘿

~~都系果句啦...少吃多滋味多吃壞肚皮唷 ^__^

木瓜雞腳豬骨湯

呢幾日真系開始唔多掂,日日就流鼻水"打乞痴",成個吸毒者咁

款 T_T ,同埋成日都想瞓覺芽...典解典解呢??唔通之前太過

攰??算...真系頂唔住先睇醫生,我至怕吃藥架喇 ~___~

幾攰都好,今日煲番D湯水飲下先得,是日湯水..........木瓜雞腳豬

骨湯~~冬天煲湯次數一定多過夏天,我一星期都會煲兩次架,湯

水真系唔少得的,以前老公唔多飲湯,不過而家已經唔同哂嚕,佢

已經喜歡飲湯喇...嘿嘿~~

薑蔥炒花蟹

今日巧凍...凍到連風扇都唔洗開=..=' 唔G系系冷親呢...個頭開

始痛,又流鼻水喎=..='同埋成日都好攰咁芽...唔系而家先來病

芽...唔好芽...唔制芽)))))))))

是日推介............薑蔥炒花蟹~~我好喜歡吃海鮮架,不過屋企果

兩個就麻麻地喇,佢地唔多吃啫,唔通我唔吃咩,所以我今次買左

兩隻花蟹來炒...哼~~嘩...鮮甜到呢...不duck了啦 ka ka ka 我

老公都話正芽,至於大少爺...掂都唔掂下囉,我預左你唔吃架,所

以我買兩隻囉...呵呵呵~~

香芹蘭豆炒田雞

嘩...呢幾日真系大風到丫...一出門口咋就吹到成個癲婆咁喇...

卡卡卡~~颱風海燕真系好勁芽,到打唔到香港...之旦系佢嘅外

圍就影響到香港咁屎大風,聽日大少爺去旅行芽...去咩新娘潭果

樹喎,希望唔好落雨啦,樹關佢地要BBQ芽,成班嘩鬼仲拉埋阿sir

一組,佢地想阿sir出多D銀兩請佢地吃多D,你睇下佢地幾鬼

衰=..='不過咁...而家D老師都會同佢地癲埋一齊架...哈哈~~

是日菜色............香芹蘭豆炒田雞~~我都G道好多人唔吃田雞,

不過我一家三口都會吃的,記得阿仔細時我就會整田雞飯佢吃

架,唔G系系咁,所以佢細時腳骨力好勁呢...ka ka ka~~中國芹菜

同荷蘭豆我自己覺得系絕配來的,兩種食材一齊炒真系好好味

的,加埋田雞同炒...正芽!!!!

蠔油鮮竹卷

今日系大少爺病好之後嘅返學日,佢就開心啦見番D同學仔,午

飯時佢打來話遲返,樹關佢數學要補測,加上阿sir要同佢補堂,返

到黎又要補習喎,真系趕頭趕命,叫佢聽日先補佢又唔肯,呢個仔

有時都幾硬頸=..=' 好彩聽日放假...不過佢依然要個哥哥幫佢再

補...真系比佢屎我了=..='

是日推介............蠔油鮮竹卷~~耐不耐我都會整D點心比佢地

食,無仔嘅...自己有時喜歡做,唔洗去飲茶先有得吃嘛,整左出來

又好味的話,咁成功左自己都好開心架 ^__^ 整左10條...好快又

比佢地掃清嚕...嘿嘿~~

要補番一下先

Yeah...Yeah...Yeah~~大少爺星期五終於可以返學喇 ^__^ 呢

個仔屈左系屋企成兩個星期喇,佢超想返學呢,查十醫生想叫佢

休埋呢個星期,佢屎都唔肯芽,真冇佢辦法,醫生最終叫佢星期五

返學,我終於鬆一口氣喇 ...呼~~

是日推介......桂圓紅棗雞蛋糖水~~我系時候都要比自己補一補

喇...嘿嘿~~我仲落埋紀子添,補埋隻眼仔芽,雖然呢排一上床就

瞓得著,不過隻眼仔都系好似好乾咁,所以放埋紀子,我飲左兩碗

好滋潤芽...哈哈~~心理作用ka ka ka~~

薑蔥豆卜魚腩煲

今日整日都落雨,好似大少爺心情唷...樹關佢仲未返得學芽,上

次覆診醫生叫佢休埋呢個星期三喎,聽日再覆診先可以決定佢

幾時返到學,咁大少爺就唔洗日日系屋企呻悶喇 ^__^ 廣番真系

幾好笑,返學就想放假,唔返學時就好想返學,呢D系咩心態來...

哈哈~~

是日推介............薑蔥豆卜魚腩煲 ,而家天氣涼左咁多,系時候

煲仔菜出埸喇,呢個系第一煲,呢個煲仔菜連唔多吃魚嘅老公都

話好食芽...嘿嘿~~呢D米系煮野個樂趣丫...只要吃嘅人吃得開

心吃得滋味,咁我就好滿足架喇 ^__^

泰式豬頸肉

呢個星期莎莉真系攰屎了 ~_______~ 每日就系清潔清潔再清

潔,仲要煲D湯水芽涼茶比大少爺飲,見到阿仔咁辛苦真系好心

痛芽,無論系飲水...食野...拎筷子都好辛苦,佢一定好痛的, 今日

佢總算C服一點點,至於我呢就....晚晚叫老公卒完藥膏先瞓到 

T__T

是日推介............泰式豬頸肉~~系之前煮架...果時大少爺

都未有手足口病,我見太耐冇整就整一次比佢地兩仔爺吃啦,唔

洗5分鐘就KO左呢碟豬頸肉嚕...嘿嘿~~

東星斑 @__@

唉唉唉.......大少爺原來系手足口病芽...一星期唔洗返學...嗚...

嗚...嗚...典解發生系大少爺身上架=.='佢學校都好多人請假,仲

有一位同學仔燒到入醫院=..='學校比人傳染到都冇計,不過佢

好番就有排補堂喇......慘慘~~而家幾乎日日煲粥佢吃,見到佢食

粥時就辛苦喇,食碗粥都要成個鐘頭 >.<" 至於我米日日系屋企

成日搞衛生囉...哈哈哈~~

好......是日推介...清蒸東星斑~~呢個都系之前煮嘅,有時我要對

自己好D啦,我巧耐冇買過喇=..= 老闆娘果日話平D買比我喎,

丫.......忍唔住買左兩條吃,Ohhhhhhhh....真系太好味喇ka ka 

ka,姐妹們有時要對自己好D芽...嘿嘿~~

鮮茄肉丸粒燴扁意粉

今日莎莉都系唔打太多字,樹關阿仔發高燒,今日一早去睇左醫

生.暫時退左燒,希望唔好再燒=..='尋晚都冇點瞓過,所以而家超

眼瞓芽)))))))))哈哈~~

好......是日推介....鮮茄肉丸粒燴扁意粉,呢隻肉丸唔系宜家傢私

樹買架,系百佳買的,不過佢又唔系圓碌碌喎,所以切左粒粒來煮

意粉,味道同宜家果款差不多呢 ^__^都抵吃嘅...廿幾蚊有一包,

加埋蕃茄同扁意粉一齊煮,好好味唷 ^_^

鮮茄豬扒

今日仲系作病中=..='尋晚食左D成藥已經好早瞓左,今日比較好


少少,不過都系好似遊魂咁,唔G自己做緊乜東東咁...哈哈~~

今日唔打太多因為好攰...是日菜色............鮮茄豬扒 ^__^ 買左

幾塊厚切豬扒同蕃茄,阿仔至愛厚豬扒架,煎好豬扒再用鮮蕃茄

做個汁...正...飯都吃多碗 ^__^

手剁冬菇肉餅

尋晚發惡夢嚇醒左=..=' 唔G系系呢排多野搞呢,樹關要幫阿仔

換左張床...又要換埋張電腦枱,成日周圍睇,又要再執一執D嘢...

呼~~~~~~~可能咁...令到自己放鬆唔到=..='

呢排都冇咩煮意,今餐又系肉餅...都系手剁芽...系我至愛嘅冬菇

肉餅...嘿嘿~~我好喜歡吃冬菇架,點樣煮我都好喜歡吃的,當然

佢地兩個寶貝都喜歡吃啦,有時都系要對自己好D嘅,整番D自己

喜歡嘅嘢,心情都好好多架 ^++++^

同大少爺的親子樂 ^__^

呢排嘅熱話大家都G...就系香港電視牌照冇得批,大家點睇呢??莎莉覺得而家香港好亂好煩好

多怨氣,都唔開心嘅=..=' 有邊一日香港會風平浪靜架??個政府

令到好多香港人都失望到爆啦,就算你遊行幾多人都好,個政府

都唔會轉發牌比香港電視...唉~~至慘系果班比人炒左嘅員工,

人地都要養家架嘛,一時之間都唔G做咩好......希望佢地快D搵

到嘢做~~

今次同大少爺玩遊戲...嘿嘿...大家唔好諗埋一邊芽,只系我同大

少爺一齊玩整壽司咋...哈哈~~整下玩下又傾下,兩母子就系咁

開開心心玩左個幾鐘ka ka ka~~查十大少爺都15歲仔,不過佢

好鬼痴我ka ka ka 或是由細到大都系我照顧佢嘅關係啦,到今

時今日我都成日同佢傾計架,好似好朋友咁,唔知第時佢大左會

唔會咁孖我傾呢??好.......大家睇下我同大少嘅製成品丫...都算

合格架...嘿嘿~~

西洋菜雪蓮果煲豬脊骨

無驚無險又到週末喇,今日同老公去醫院判傷,真系等到人都傻

芽=..='約就約左十點十五分,同老公早D去吃過早餐再去等,由

十點等到十一點幾先見醫生,至慘系見得果三分鐘就走得...

吼)))))))真系想殺左佢地.\/.加上又唔會廣你G個結果喎...唉~~

是日靚湯......西洋菜雪蓮果煲豬脊骨,飲番碗靚湯順番條氣先,

今次唔放紅蘿蔔落去煲,轉左放雪蓮果落去...哇...啖湯好鬼甜芽

,不過D雪蓮果我就麻麻地喇...感覺上好粗纖維芽,不吃為秒...

嘿~~

自家製雞扎

今日天陰陰...搞到自己冇咩心情...查十都唔系嘅,只系自己擔心

D野=..=' 之前系yahoo blog樹廣到老公系公司整親隻手仔,咁星

期五要到醫院判傷,所以有D擔心囉,而佢隻手仔已經唔可以好

似以前咁伸到直一直,好彩嘅系左手唔系右手...唉...總之就系擔

心啦=..='

廣番今日有咩好野食先............就系雞扎喇 ^_^ 系我家大少爺

至喜歡嘅點心丫,我耐不耐就會整一次佢吃的,今次整左十件佢

吃左六件,老公吃左三件...我米得一件吃囉,冇所謂啦佢地喜歡

食我就好開心架喇,不過老公話得99分喎,典解呢??佢話唔夠腐

皮芽...哈哈~~

吃粥加炒麵麵芽

話咁快又放左幾日隻期芽,真系想繼續放落去....嘿嘿~~呢幾日

可以同老公行下街街芽,阿大少爺有自己節目啦,加上尋日成日

去左比賽,咁我地兩個老野又可以享受一下二人世界喇,不過條

街十在太多人=..=' 至橙系個個都幾乎拖住個行李箱...即系成街

都系果班旅客(廣普通話的),我突然間覺得自己唔系香港咁...

唉~~


天氣涼涼地我就至喜歡煲粥吃,煲左菜乾鹹豬骨粥再加碟豉油

皇叉燒炒麵,真系冇得頂芽,好好味呢 ^__^ 連平時唔多喜歡吃

粥嘅大少爺都吃左三碗粥芽,真系跌眼鏡芽我...哈哈~~

蕃茄炒蛋

又到星期五喇,黎緊仲會有幾日假期,唔G大家會唔會出去玩下

咁呢??我就多數做隻豬系屋企,不過應該唔得,樹關大少爺星期

六仲要返去學校步操,準備黎緊星期一去比賽=..=' 我幾時先可

以唔洗咁早起身 ~____~ 

是日推介............蕃茄炒蛋~~大家都覺得好簡單嘅菜色...都系

架,不過越系簡單就越難煮得好味,有時我聽過煮呢味餸D人會

落茄汁...吓??落埋茄汁煮??咁點算系蕃茄煮芽,我一向都唔落

的,同埋我煮嘅會偏甜少少,可能受嫲嫲影響啦...哈~~Anyway 

呢個系一家大細都愛吃嘅菜色,要黎送飯真系一流...我都會添飯

架 ^__^

手剁梅菜肉餅

今日好忙咁...查十我自己都唔知忙乜東東...嘿嘿~~今日約左我

個好朋友一齊飲茶,傾左好耐芽,好似傾極都傾唔完咁嘅,女人仔

兩個都成個墟芽....真系好開心呢...哈哈~~

是日推介............手剁梅菜肉餅~~自虫自己隻豬手仔勞損左之

後,都好乖咁聽醫生話唔好做太多重嘢,不過手剁肉餅真系好好

食丫嘛,所以呢我今次就自己手剁芽,整寶貝仔至愛嘅梅菜肉餅

喇......嘿嘿~~

粟米魚柳

話咁快又過左一個星期,真系光陰似箭=..=' 呢排好多虐待小動

物嘅新聞,仲有D幼稚園招生又搞到個個家長都頭痛到死,有時

唔系話歧視D大陸人,佢地嘅要求都過份左芽...唉=..='香港就黎

變到都唔G點,莎莉睇到好唔開心芽~_____~ 仲有芽點解D人可

以咁殘酷去對待D小動物,都系一條生命黎架......每次睇到我D

眼淚就忍唔住芽...唉~~而家個社會都唔G咩社會黎,簡直就系變

態=..='

是日菜色............粟米魚柳~~系出面吃明明系鯰魚柳就話系斑

腩,邊有咁平嘅斑比你吃,呃人...哼~~所以系屋企自己用鯰魚柳

來煮,仲好吃過去街吃芽,而且一D都唔難做...正~~D粟米汁比大

少爺用來橯飯吃唷....嘿嘿~~

蓮藕湯

今日好攰芽...一到週末我就覺得特別攰架,都唔G典解...唉...唔

通真系年紀大機器壞...嗚...嗚~~今日阿仔第一次補習,系單對單

上我屋企補,都唔貴芽一百五十大洋一個鐘.阿仔咁多年來都系

自己搞掂自己讀書嘅野,算系叻仔架喇,呢次系我想佢補嘅....樹

關佢升上高中呢D野好鬼深架,都系搵個哥哥幫佢補下先得,個

哥哥光光上年入左港大,又系讀經濟,啱哂阿大少爺...嘿嘿...希

望大少爺能夠習慣一下補習生涯啦...哈哈~~

是日靚湯............蓮藕章魚蠔豉豬骨湯,呢個湯我好喜歡飲,老公

同大少爺都喜歡啫,煲果陣間屋好鬼香芽...卡卡卡...真系好想快

D飲,而我呢最喜歡吃蓮藕架,所以D湯渣呢...都唔會有得留低ka 

ka ka~~

3.6牛奶布甸

登!!登!!登!!登!!3.6牛奶布甸咄場尋晚整好左之後,今日有

duck食喇...嘿嘿~~話時話味道同我系出面買既差唔多芽...十

在...十在...太好味D樽仔就系上次食完洗乾淨留番來用又環

保又得2...呵呵~~

蜜糖鬆餅

老公豬佢至艾吃既鬆餅,睇書時見到就試下整...哇哇哇~~好好

味...我角得好食過KXX果D,因為佢冇乜蜜糖味,而呢個整法就

感覺到好香既蜜糖味唷~~


材料: 低粉(110g)    泡打粉(3g)   無鹽牛油(室溫) (40g)
          砂糖(15g)    鹽( 少許)   蜜糖(30g)  淡忌廉(60g)  
          牛奶(少許)

做法: (1)無鹽牛油置室溫解凍,用電動打蛋器以中速將牛油打至

             軟身,然後加入砂糖...蜜糖和鹽繼續打勻

        
               (2)篩入低筋麵粉和泡打粉,然後用膠刮攪勻至粉糰狀慢慢
             加入淡忌廉,搓揉至沒粉粒狀即可

         (4)用保鮮紙把粉糰包好,放室溫靜止10分鐘,用匙羹做出
               一個個圓錐體,每個相隔一寸, 在表面塗上鮮奶  

               (5)放入預熱200度之焗爐內焗10分鐘至表面金黃,再        
            180度焗5分中
          

        (6)取出在鬆餅面塗上少許蜜糖 ,放上鐵架上代涼
 



       
 

芝士麻糬波波

今次整既系大少爺既至艾>>>>芝士麻糬波波~~大少爺一向刀

好中2食芝士,去街買都中2買呢D麻糬波波,原來刀好易整架咋,

我今次仲double左份量,整左20個芽仲5滿足到大少爺佢


份量(10個小球)

材料: 木薯粉(45g)  糯米粉(85g) 巴馬芝士粉(55g) 鹽(3g) 牛奶
          (70ml)雞蛋(1隻) 無鹽牛油(10g)

製法: (1) 用熱水坐溶無鹽牛油 
         
        (2)將木薯粉...糯米粉...芝士粉和鹽放在大碗中,用手動打               蛋器拌勻
        
       (3)然後加入牛油溶液和雞蛋拌勻  最後加入牛奶,牛奶的份            量要視乎粉糰的濕度,用手搓粉糰至有黏性即可      

       (4)用手把粉糰搓分成為每個30g的湯丸形狀,放在己放牛油
            紙的焗盤   上,每個芝士波的距離相隔2厘米,以防芝士            波會漲大
       
      (5)在每個芝士波表面塗上牛奶,放入已預熱190度的焗爐,
             焗15分鐘至金黃色